श्री महाकाली आधारभूत विद्यालय

स्थानीय समाजसेवी, शिक्षाविदहरु, बुद्धिजीविहरु, साथै विभिन्न संघ-संस्थामा आवद्ध व्यक्तित्वहरुको अथक प्रयास पश्चात मिति २०४१/१२/०७ मा योगी श्री १०८ नरहरिनाथ द्वारा श्री चिरञ्जिवी ढकालको अध्यक्षतामा वैदिक वाङ्मयको विकासको लागि श्री महाकाली वैदिक विद्यापिठ नामबाट शिलान्यास भएको थियो । मिति २०४६/१२/२३ मा जिल्ला शिक्षा निरिक्षकको कार्यालय कञ्चनपुरबाट श्री महाकाली प्राथमिक विद्यालय नामबाट प्रा.वि. शिक्षक दरबन्दी सहित सरकारी मान्यता दिईएको पाईन्छ । यो विद्यालय कञ्चनपुरको सदरमुकाम भिमदत्तनगरबाट करीब ५० कि.मी. दक्षिणपूर्व, बेलौरी नगरपालिका-१ मटैया स्थित पर्यटकीय स्थल बन्धातालको पूर्वपट्टी धार्मिक एवम् साँस्कृतिक स्थल विश्वकल्याण कोटिहोम धामको छेवैमा, पुनर्वास नगरपालिका वडा नं. ४ को पश्चिम किनारमा तथा गोकुलपुर-धनगढी मूल सडकको उत्तरतिर रहेको छ । यस विद्यालयको उत्तरतर्फ अंशुबर्माबस्ती रहेको छ । हाल यस विद्यालयमा दुई ओटा स्वीकृत शिक्षक दरबन्दी, एउटा बालविकास दरबन्दी र एउटा कार्यालय सहयोगीको दरबन्दी गरी जम्मा ४ ओटा दरबन्दी रहेका छन् । यस विद्यालयमा बालविकास कक्षा (शिशु कक्षा) देखि कक्षा ५ सम्म पठनपाठन हुँदै आईरहेको छ । यो विद्यालय पुनर्वास नगरपालिका वडा नं. ४ मा रहेकाले कोटिहोम गाउँका विद्यार्थी, पुनर्वास नगरपालिका वडा नं. १ अंशुबर्माबस्ती र बेलौरी नगरपालिका वडा नं. १ मटैयाका बालबालिकाहरुका लागि यो विद्यालय पठनपाठनका लागि पायक पर्ने स्थानमा रहेको छ ।

थप पढ्नुहोस् →

सहायताको लागि हामीलाई कल गर्नुहोस्

९८४८८१५६८५

प्रधानाध्यापकबाट सन्देश

आफ्ना सन्ततिहरुलाई शिक्षाको उजयालो घामबाट बञ्चित गराउन हुँदैन भन्ने अभिप्राय अनुरुप शिक्षाको उज्यालो प्रकाश फैलाउने उद्देश्यले वि.सं. २०४१ सालमा 'श्री महाकाली संस्कृत विद्यालय'को नामबाट यस विद्यालयको स्थापना भएको पाइन्छ । विद्यालय स्थापनाको ५ वर्ष पछि वि.सं. २०४६ सालमा प्रा.वि. शिक्षक दरबन्दी सहित 'श्री महाकाली प्राथमिक विद्यालय'को नामबाट सरकारी मान्यता प्राप्त यो विद्यालय समयको माग र विकासको गतिसँगै विभिन्न आरोह र अवरोह पार गर्दै आजको अवस्था सम्म आईपुग्न सफल भएको छ । आदर्श समाजका लागि सभ्य नागरिक निर्माण गर्न तथा समुन्नत समाज निर्माण गर्न शिक्षाको महत्वपूर्ण भूमिका हुन्छ भन्ने कुरा स्मरण गरी यस विद्यालयको स्थापना गर्ने समाजसेवी र शिक्षाप्रेमी अगुवाहरुको योगदान र समर्पणको उच्च कदर गर्न चाहन्छु । यस विद्यालयले विगतमा हासिल गरेको जस्तो शैक्षिक उपलब्धिहरु वर्तमान समयमा प्राप्त गर्न हाम्रा सामु थुप्रै समस्याहरु छन् । आकर्षक भौतिक संरचनाको अभाव, शिक्षक दरबन्दीको अभाव, अभिभावकहरुको नीजि विद्यालय तर्फको मोह, विद्यालयप्रति स्थानीय समूदायको चासो कम हुनु आदि कारणहरुले गर्दा यस विद्यालयको अस्तित्व नै संकटमा पर्दै गएको छ । यस्ता समस्याहरु सुल्झाउँदै शैक्षिक उन्नति हासिल गरी विद्यालयको शैक्षिक गुणस्तर कायम गर्न राज्यको एकल प्रयासले मात्र सम्भव हुँदैन । यसमा समुदाय, व्यवस्थापन समिति, शिक्षक, अभिभावक र विद्यार्थीको सक्रिय पहलकदमी अवश्यक पर्दछ । राज्यले चाल्ने कदममा सबैको सार्थक सहभागिताले शैक्षिक गुणस्तर उकास्न सकिन्छ । विद्यालयले सञ्चालन गर्ने थप पढ्नुहोस् →

श्री दिपक प्रसाद पोखरेल
प्रधानाध्यापक
९८४८८१५६८५

अध्यक्षबाट सन्देश

विक्रम सम्वत २०४१ सालमा समाजसेवी, शिक्षाप्रेमी, बुद्धिजीवी सहित सर्वसाधारण जनमानसको अथक प्रयासमा मिति २०४१/१२/०७ मा योगी श्री १०८ नरहरिनाथद्वारा श्री चिरञ्जिवी ढकालको अध्यक्षतामा श्री 'महाकाली वैदिक विद्यापिठ' नामबाट शिलान्यास भएको यो विद्यालय मिति २०४६/१२/२३ मा जिल्ला शिक्षा निरिक्षकको कार्यालय कञ्चनपुरबाट 'श्री महाकाली प्राथमिक विद्यालय' नामबाट प्रा.वि. शिक्षक दरबन्दी सहित सरकारी स्वीकृति पायो । कुनैपनि संस्था स्थापना गर्न जति सजिलो हुन्छ त्यो भन्दा जटिल परिस्थिति उसलाई संस्थागत गर्दै दिगो रुप दिन हुन्छ । यस विद्यालयले पनि यसको स्थापना देखि हालसम्म आईपुग्दा त्यस्तै आरोह अवरोह पार गर्दै आएको छ । सर्वप्रथम यस विद्यालय स्थापना गरी यहाँ सम्म ल्याउन सफल विद्यालयका संस्थापक, सम्पुर्ण अभिभावक, शिक्षक, विद्यार्थी लगायत सहयोगी सबैलाई हार्दिक धन्यवाद टक्र्याउन चाहन्छु । बिगत ४० वर्ष देखि निरन्तर पठनपाठन गराउँदै आईरहेको यस विद्यालयले अनुशासित, लगनशिल, इमान्दार, प्रतिश्पर्धी सक्षम जनशक्ति उत्पादन गर्नमा अहम् भूमिका खेलेको छ र आगामी दिनमा पनि समय सापेक्ष गुणस्तरयुक्त सीपमूलक एवम् रोजगारमूलक शिक्षा प्रदान गर्न सकोस र सिङ्गो देशलाई अग्रगति तर्फ डोर्याउन सकोस भन्दै विद्यालयको उत्तरोत्तर प्रगतिका लागि हार्दिक शुभकामना व्यक्त गर्दछु । थप पढ्नुहोस् →